WISATA BASÈ BETAWI
Assalamualaikum !!!! Abang/Mpok, Nyak/Babè. Buat ngelestariin basè Betawi salah satunyè kitè mesti ngidupin lagi katè, ungkapan, dan peribasè Betawi nyang udè jarang kitè denger. Insya Allah ayè coba tampilin katè, ungkapan, dan peribasè Betawi nyang menurut ayè udè jarang kitè denger. Secara bersèri seminggu duè kali, tiap ari Minggu ame ari Rebo. Nyo’ Abang/Empo kitè ramein forum ini degan carè sampein ke mari katè, ungkapan, dan peribasè nyang Abang/Empok tau udè jarang dipake . Semoga adè gunènyè.
Salam dari ayè, bang Tadjuddin.
Seri pertamè
Nomer | Katè | Artinyè | Dipake dalem kalimat |
1 | aco-acoan | ugal-ugalan; semberono; selalu tidak benar pekerjaannya | tu orang aco-acoan, apè nyang dikerjain kagè adè nyang bèrès |
2 | ngada-ngadain | mempermainkan; tidak akan berbuat sebenarnya | cuman ngada-ngadain, bukan mao mukul beneran |
3 | agang-iging | tidak terampil; tidak cekatan; belum mahir | guè liat naèk sepèdènyè masi agang-iging |
4 | ngagul | menyombongkan diri; berkata dengan berlebihan | ah…, diè mah cuman ngagul,omongannyè ga adè nyang semenggè |
5 | Ajigilè | ucapan untuk menyatakan satu perbuatan yang keterlaluan | ajigilè tuh orang, naek motor ga’ kirè- kirè |
6 | alaihim | sangat; sekali | bininyè setinggi alaihim |
7 | Ngalap | memetik, mengambil dari pohon | tunggu dulu Tong, encing lu lagi ngalap rambutan, tar lu bawa pulang yè |
8 | alotong | manja, kolok | kite mesti kasi tau ame tuh bocah, udè gedè jangan padè alotong |
9 | Ambet | bebat bayi | Neng, tulingin enyak, ambilin ambet tuh di jemuran |
10 | amiang | 1. hambar; tak ada rasanya
2. siuman; sadar |
gue kena covit, makan rasanya amiang
diè keliatannyè baru amiang, udè duè jem diè pingsan
|
Sumber: Kamus Dialek Jakarta, Abdul Chaer