Assalamualaikum !!!! Abang/Mpok, Nyak/Babè. Buat ngelestariin basè Betawi salah satunyè kitè mesti ngidupin lagi katè, ungkapan, dan peribasè Betawi nyang udè jarang kitè denger. Insya Allah ayè coba tampilin katè, ungkapan, dan peribasè Betawi nyang menurut ayè udè jarang kitè denger. Secara bersèri seminggu duè kali, tiap ari Rebo ame ari Minggu. Nyo’ Abang/Empo kitè ramein forum ini degan carè sampein ke mari katè, ungkapan, dan peribasè Betawi nyang Abang/Empok tau udè jarang dipake . Semoga adè gunènyè.
Salam dari ayè, bang Tadjuddin.
Sèri nyang kelimè
Nomer | Katè | Artinyè | Dipakè dalem kalimat |
1 | belègod | telanjang | Waktu jaman Nipon banyak orang yang udè padè belègod, nggè punyè pakèan. |
2 | berabè | susah; sukar; repot | Tuh anak berabè banget dah dibilianginnyè |
3 | berarak | daun kelapa kering | Tong, lu kumpulin tuh berarak, tar kalo dah sempet bikin sapu. |
4 | berèrot | berjalan berturut-turut; berduyun-duyun | Orang udè padè berèrot pegi ke mejid, elu masih ngejedog ajè. |
5 | bèrko | lentera listrik pada sepeda | Sepèdè sekarang dah nggè pake bèrko, masalahnyè jalan malem udè pada terang. |
6 | beronjong | Keranjang pengangkut barang dagangan yang diletakkan di kedua sisi sepeda | Angkatin tuh beronjong ke sepèdè, guè mao ke pasar. |
7 | betungsè | 1. berkeras hendak melakukan sesuatu
2. bekerja dgn mengeluarkan banyak tenaga 3. memaksa |
Lu ngapè jadi betungsè bener sih mao pegi jugè?
Guè betungsè ndobrak tu pintu nyang macet. Tu orang betungsè nyuru guè ndorong mobilnyè |
8 | bingkeng | 1. Tidak mekar
2. melengkung; tidak lurus |
Sebelon digorèng kudu dijemur dulu tu krupuk, ntar jadi nggè bingkeng.
Pili kayunyè nyang lempeng, jangan nyang bingkeng. |
9 | biting | penyemat yang terbuat dari lidi | Jaman sekarang kalo bikin lontong, apè masih pakè biting ? |
10 | boncos | kalah | Kalo udah boncos ngaku ajè, nggè usèh bekelit. |
Sumber: Kamus Dialek Jakarta, Abdul Chaer