Assalamualaikum !!!! Abang/Mpok, Nyak/Babè. Buat ngelestariin basè Betawi salah satunyè kitè mesti ngidupin lagi katè, ungkapan, dan peribasè Betawi nyang udè jarang kitè denger. Insya Allah ayè coba tampilin katè, ungkapan, dan peribasè Betawi nyang menurut ayè udè jarang kitè denger. Secara bersèri seminggu duè kali, tiap  ari Rebo ame ari Minggu. Nyo’ Abang/Empo kitè ramein forum ini degan carè sampein ke mari  katè, ungkapan, dan peribasè Betawi nyang Abang/Empok tau udè jarang dipake . Semoga adè gunènyè.

Salam dari ayè, bang Tadjuddin.

 Sèri nyang keduè

Nomer	Kose katè	Artinyè	Dipake dalem kalimat
1	ngeramban	mencari daun-daunan dsb	Miarè kambing banyak, payè ngerambannyè.
2	ngunduh	memetik semua buah di pohon	Tolongin babè lu, lagi ngunduh kecapi dah padè matèng.
3	amplok	biji buah-buahan	Kalo abis makan manggè amploknyè jangan dibuang sembarangan.
4	amprok	bersua dengan tiba-tiba di jalan	Dah lamè diè padè dieman, eh begitu amprok padè salèh tingkèh.
5	ampyak	bangunan tambahan di samping rumah yang menyatu pada rumah	Rumèh sekarang jarang yang adè empyaknyè.
6	angkin	sabuk, ikat pinggang yang terbuat dari kain	Abis beranak sebaiknyè pake angkin.
7	apuran	selokan, saluran air kotor	Besok kitè kerja bakti yè, ngebersihin apuran nyang udè padè mampet.
8	taibabal	putik nangka yang tidak akan menjadi nangka	Ngerujak bebek kurang sedep kalo ga adè taibabalnyè.
9	babuy	babi	Ngakunya selam, tapi makan daging babuy.
10	bagèn	baiklah; tidak apa-apa	Kalo luh ogah ikut, bagèn, guè juga berani pegi sendiri.

Sumber: Kamus Dialek  Jakarta, Abdul Chaer